Як зрабіць, каб час вучобы ў школе стаў добрым і каштоўным часам? Як правільна выкарыстаць школьныя цяжкасьці, у тым ліку крытыку і паразы? Што добрага і што кепскага ёсьць у школе? Як паставіць перад дзіцем правільную, біблійную задачу ў дачыненьні да вучобы, каб натхніць яго адказна ставіцца да сваіх здольнасьцяў і разьвіваць іх?

Немагчыма ўявіць нашае жыцьцё без мабільнага тэлефона. Ён дзейнічае дзякуючы электрамагнітнаму полю, якое распаўсюджваецца з самай высокай з хуткасьцяў - хуткасьцю сьвятла. Бог даў нам Свой мабільны тэлефон для сувязі зь Ім. Гэта малітва. Чаму ж часам мы можам апынуцца «часова недаступнымі» для Бога?

Чаму варта ў першую чаргу навучыць дзіця? Што павінна стаць зьместам ягонай адукацыі? Якія падыходы ў хрысьціянскай адукацыі існуюць у цяперашні час? Як уплывае на дзіця ягонае асяродзьдзе і які плён з часам гэта можа прынесьці ў ягоное жыцьцё? Хто нясе адказнасьць за канчатковы вынік навучаньня - царква, сям'я або школа?

Якім чынам фізічны тэрмін «дыфузія» можа ілюстраваць біблійную ісьціну «Што Бог злучыў, тое чалавек няхай не разлучае»? Як стасункі ў сям'і і царкве ўплываюць на наш унутраны сьвет? Што выкарыстоўвае Бог, каб мацней злучыць людзей паміж сабой? 

Каму Бог даверыў адукацыя дзяцей? Якая адказнасьць бацькоў і царквы ў пытаньнях адукацыі будучага пакаленьня? Чаму некаторыя бацькі выбіраюць навучаньне сваіх дзяцей дома? Як дапамагчы дзіцяці разабрацца ў тым, што трэба вучыць, а што лепш ігнараваць? Аб карысьці і цяжкасьцях хатняй адукацыі Вы зможаце пачуць з вуснаў пастара, які навучае сваіх дзяцей дома.

Антоні Бокун - Пастар Царквы "Ян Прадвесьнік". Аўтар кнігі «Залаты век Беларусі». У 2003 годзе - ініцыятар грамадзкай праграмы агульнанацыянальнага маштабу «450 год Рэфармацыі ў Беларусі». Аўтар артыкулаў на тэму гісторыі, грамадзкага жыцьця і ўплыву царквы на нацыянальныя культуры. Арганізатар некалькіх навуковых канферэнцый на тэму гісторыі і ўплыву Рэфармацыі на гісторыю Беларусі. Разам з жонкай Натальляй выхоўвае траіх дзяцей.