Барацьба кожнага мужчыны [анонс кнігі]

Прадмова 

Ад радактара Майка Ёркі:

Думаю, аб кожнай кнізе можна сказаць, што яна пішацца з любові да чытача. У гэтай жа кнізе праяўлена не толькі любоў аўтара, але і любоў Божая да цябе, чытач. Бог пачуў мужчын, якія жывуць у апантана распусным сьвеце, і адказаў на іх лямант, злучыўшы неверагодным чынам намаганні чатырох мужчын.

Ад выдаўца Дэна Рыча:

Прачытаўшы рукапіс Майка і Фрэда, я быў уражаны закладзеным у ім патэнцыялам. Гэта адна з кніг, аўтары якіх падбадзёрваюць і падтрымліваюць хрысьціян, не дазваляючы ім расслабляцца, і ў якіх можна знайсьці сьвежы погляд на старыя ісьціны, што адраджаюць у чытачах надзею і вядуць да прабачэньня грахоў.

Ад сааўтара Стыва Артэрберна:

Я з задавальненьнем пагадзіўся папрацаваць над гэтай кнігай, паколькі лічу дадзеную тэму немалаважнай. Якое дачыненьне да шлюбу мае чыстасьць мужчын? Я прыйшоў да высновы, што маральная распуста падобная да тэрмітаў, што падточваюць сьцены і падмуркі сучасных шлюбаў.

Магу з упэўненасьцю заявіць, што кніга, якую ты зараз трымаеш у руках, «Барацьба кожнага мужчыны», здольная адкрыць у табе такую ​​любоў да жонкі, пра якую ты і не марыў.

Па вядомых прычынах мы зьмянілі імёны людзей у гэтай кнізе і нават некаторыя дэталі ў іх гісторыях. Тым ня менш, гэтыя гісторыі не прыдуманыя. Яны ўзятыя з жыцьця пастароў, дыяканаў, рэгентаў і старэйшын. Гэта гісторыі простых рабочых і служачых з прэстыжных офісаў. Усе яны патрапілі ў страшную пастку, як калісьці мы самі.

Табе нялёгка, бо ты жывеш у сьвеце, перапоўненым разнастайнымі сэксуальнымі вобразамі, даступнымі табе дваццаць чатыры гадзіны ў суткі ў любым выглядзе: у друку і фільмах, па тэлебачаньні і ў інтэрнэце, нават па тэлефоне. Бог жа прапаноўвае табе свабоду ад грахоўнага рабства праз крыж Хрыстовы. Ён стварыў твой розум і вочы такім чынам, каб ты мог іх кантраляваць і стрымліваць. Нам проста трэба ўзяць сябе ў рукі і сілаю Божай пайсьці ў правільным накірунку.

Каб весці змаганьне, патрэбны плян, і ты знойдзеш яго, прачытаўшы гэту кнігу - дэталёва выкладзены плян на шляху да чыстасьці. У канцы кнігі мы зьмясьцілі дапаможнік для індывідуальнай працы і заняткаў у мужчынскай групе. «Барацьба кожнага мужчыны» будзе выдатным матэрыялам для загараднай канферэнцыі ў тваёй царкве.

Хоць мы з Фрэдам гаворым з пазіцыі жанатых мужчын, «Барацьба кожнага мужчыны» прызначаецца не толькі для сямейных. Прынцыпы, апісаныя намі, прымяняюцца і да падлеткаў, і да нежанаты хлопцаў, якім яшчэ да шлюбу даводзіцца сутыкацца з пытаньнямі цноты. Павер, шлюб - не чароўная палачка, ён не ратуе цябе ад спакус. Таму мы прапаноўваем прынцыпы, якія дапамогуць маладым нежанатым хрысьціянам ўтрымлівацца ад юрлівасьці і сэксуальнай залежнасьці, а таксама павялічаць іх шанцы на ўдалы выбар спадарожніцы жыцьця.

Хоць «Барацьба кожнага мужчыны» напісана для мужчын, прачытаўшы яе, жанчыны змогуць лепш зразумець, у чым сутнасьць старажытнай бітвы мужчын са сваім позіркам. Менавіта таму ў канцы кожнай часткі мы зьмясьцілі разьдзел «Сэрца жанчыны», заснаваны на інтэрв'ю з рознымі жанчынамі.

Ад сааўтара Фрэда Стокера:

Я быў аднойчы палоньнікам распусты і, вызваліўшыся з гэтага ярма, захацеў дапамагчы іншым мужчынам ачысьціць сваё жыцьцё. Я ўзяўся за напісаньне кнігі, таму што быў глыбока перакананы, што, дай мне Бог быць пачутым у Яго Царстве, я б змог рэальна дапамагчы яшчэ большай колькасьці мужчын здабыць свабоду і прыйсьці на дапамогу іншым.

Гэты верш натхняў мяне ў працы над кнігай, якой я прысьвячаў свае вечары месяц за месяцам: "Зьлітуйся, Божа, зь мяне ў вялікай ласцы Тваёй, і ў мностве шчадротаў Тваіх загладзь беззаконьні мае!...Вярні мне радасьць збавеньня Твайго, і Духам Уладным мяне падтрымай. Я навучу беззаконцаў шляхам Тваім, і бязбожныя да Цябе навернуцца." (Псальм 50:3, 14-15)

Разумееш? У Сваіх плянах Бог прадугледзіў, каб грэшнікі атрымлівалі свабоду і ішлі вучыць іншых. Менавіта так і выкарыстоваў мяне Гасподзь, і я веру, што Ён гэтак жа выкарыстае цябе.

Ты згараеш ад нецярплівасьці? Выдатна ... я таксама. Нам патрэбныя сапраўдныя мужчыны - высакародныя і прыстойныя, якія не распускаюць рук і накіроўваюць свой позірк і думкі на Хрыста. Калі ты не можаш справіцца са сваім вар'яцкім позіркам ці нават сэксуальнай залежнасьцю, мы са Стывам спадзяемься, што ўсё ж ты станеш пераможцам.

Ці не час пачынаць?

 Чытаць кнігу Стывена Артэрберна, Фрэда Стокера,  Майка  Ёркі «Барацьба кожнага мужчыны»

 Набыць кнігу Стывена Артэрберна, Фрэда Стокера,  Майка  Ёркі «Барацьба кожнага мужчыны»