Выхаваньне дзяцей ў хрысьціянскіх сем’ях [відэа]

Д’ябал хоча забраць у бацькоў права выхоўваць дзяцей. Узгадаем савецкія часы: ясьлі – дзіцячы садок – школа – піянерскі лагер – сацлагер. У выніку вырастала “лагернае дзіцё” – Паўлік Марозаў. Зараз у нашых сем’ях падобная сітуацыя: мама і тата на працы. Хто выхоўвае дзіцёнка? Інтэрнэт, вуліца, школа, сябры...

У школе дзеці праводзяць больш за палову свайго часу. І хоць часы СССР сышлі, наша школа засталася савецкай па сутнасьці: атэістычны сьветапогляд і савецкі падыход да навучаньня. Школьная педагогіка не ў стане вырашыць шматлікія пытаньні выхаваньня дзяцей, таму што абапіраецца на цьверджаньне, што дзеці нараджаюцца чыстымі нявіннымі стварэньнямі, таму іх перашапачаткова можна выхоўваць добрымі.

Біблія кажа нам пра тое, што прырода дзяцей грахоўная, таму з малых гадоў іх трэба вучыць, настаўляць і караць. Бацькі-хрысьціяне не разумеюць гэтага і не тлумачаць сваім дзецям: каб пераадолець сваю грахоўную прыроду, дзіцё павінна прыйсьці да Хрыста, пакаяцца і працаваць над тым, каб Ісус яго зьмяніў.

Другая праблема, зь якой не спраўляецца школьная педагогіка: пакараньне дзяцей. Біблія кажа нам, калі мы караем сына, то ратуем яго ад апраметнай. Мы павінны ўсталёўваць межы ў жыцьцях нашых дзяцей і вучыць іх захаваньню: «Асьцярожна! Прас гарачы!» Калі дзіцё не навучыцца захоўваць межы ў дзяцінстве, яно наўрад ці стане хрысьціянінам, таму што ў хрысьціянскім жыцці ёсьць свае межы, усталяваныя Богам.

Трэцяя праблема школьнай сістэмы – сумеснае навучаньне хлопчыкаў і дзяўчынак. Дзяўчынкі хутчэй растуць і, у параўнаньні з хлопчыкамі-аднагодкамі, больш арганізаваныя і адказныя. Калі ў класе настаўнік штосьці даручае, то каму? Дзяўчынкам! І атрымліваецца: у садзе – выхавальніца, у школе – настаўніца, дома – маці, на працы – начальніца. Хлопчыкі не бачаць прыклада лідара-мужчыны, таму вырастаюць, жэняцца і зьмяняюць адну маці на іншую. Ніхто іх не вучыць, як уладкоўваць сям’ю і выхоўваць дзяцей.

Біблійныя прынцыпы выхавання дзяцей

Віктар Шаўчук – Акадэмічны дэкан семінарыі “Ласка Божая і ісьціна”, г. Кіеў. Кандыдат тэхнічных навук, магістр тэалогіі. Выкладае дысцыпліны: “Кіраваньне хрысьціянскай адукацыяй” і “Біблійныя асновы сям’і і шлюбу”. З жонкаю Людмілай выхоўвае дзьвюх дачок і траіх сыноў.