Як арыентаваць моладзь на духоўны рост і служэньне грамадзтву [відэа]

Аснова іудзейскага выхаваньня заключалася ў тым, што вучань, каб навучыцца, павінен быў пастаянна знаходзіцца з настаўнікам, пражываць зь ім сваё жыцьцё.

Арганізоўваючы маладзевае служэньне, мы павінны мець выразныя мэты і пляны. Мы праводзім вечары пакланеньня, канферэнцыі, моладзевыя летнікі не проста для таго, каб у нашым служэньні бурліла жыцьцё, але каб арыентаваць маладых людзей на духоўны рост, «на ўзрастаньне ў мілаце і пазнаньні нашага Госпада і Збаўцы Ісуса Хрыста» (2 Пят. 3:18).

Якія крытэры дапамогуць нам ацаніць гэта?

• Асабістая малітва. Калі чалавек расьце духоўна, ён расьце ў адносінах з Богам. Якасьць малітвы, яе сталасьць і працягласьць пакажуць нам духоўны ўзровень нашых падапечных.
• Вывучэньне Слова - важнае жаданьне маладых людзей вывучаць Біблію.
• Фармаваньне хрысьціянскага характару, які выяўляецца ў служэньні іншым, выкананьні сваіх абавязкаў, ствараючых адносінах з людзьмі і г.д.
• Практычнае жыцьцё. Калі чалавек расьце духоўна, ён не будзе зацыклены на сабе, а будзе клапаціцца аб сваіх блізкіх - маліцца за іх, дапамагаць ім.
• Цэласная місія. Гэта прадугледжвае баланс сацыяльнай працы і дабравесьця. Калі мы любім сацыяльную працу і не даходзім да Эвангельля, мы ствараем каляхрысьціянскую тусоўку, у якой людзі не прыходзяць да Бога. Калі мы прапаведуем толькі Эвангельле, нас успрымаюць як тых, хто зацікаўлены толькі ў павелічэньні колькасьці вернікаў. Мы спрасьцілі Дабравесьце да 4 пунктаў духоўных законаў і чароўнай малітвы ў канцы. Запыты грамадзтва вырасьлі, і зараз важна ўмець прапаведаваць Эвангельле ў розных сферах грамадзтва.

Вольга Кандзюк - выкладчык-метадыст місіі «Іннавіста». Кіраўнік падлеткава-моладзевага служэньня «Baobab groUP».