Асабістыя адносіны з Богам [відэа]

Мой знаёмы на імя Боб адпачываў са сваім сынам на возеры. Прачнуўшыся раніцай, ён спусціўся да возера памыцца. І тут ён заўважыў, што па вадзе плавае зялёная купюра. Тая самая, 100-даляравая. Боб імгненна распрануўся, плюхнуўся ў халодную ваду і дастаў купюру. Затым метадычна, крок за крокам, ён пачаў абшукваць прыбярэжныя зарасьнікі і знайшоў яшчэ некалькі купюр. «Ды ў мяне ж у намёце сын сьпіць!» - маланкай мільганула думка ў галаве, і празь некаторы час Боб ужо разам з сынам з энтузіязмам працягвалі пошукі...

У нашы пошуках Бога і Яго прысутнасьці мы павінны праяўляць такі ж запал і энтузіязм. У нас з вамі каласальная залежнасьць ад стасункаў з нашым Тварцом, Ісус кажа, што мы павінны знаходзіцца ў Ім (Ян. 15). У перакладзе з грэцкага слова «знаходзіцца» азначае «жыць, быць, знаходзіцца паблізу, устойліва трымацца». Як мы прынялі Хрыста, так і павінны хадзіць у Ім.

Біблія не дае нам выразнай дактрыны датычна малітвы, але паказвае асноўныя прынцыпы (Мк. 1:35): «І устаўшы вельмі рана, аддаліўся ў бязьлюднае месца і там маліўся».

• Для асабістых адносін з Богам неабходны час.«Хто ўцякае ад Бога раніцай, наўрад ці зможа дагнаць Яго на працягу дня» - сказаў Джон Буньян. Што для мяне прыярытэт раніцай і чым занятыя мае думкі вечарам? Думка, зь якой прачынаюся і кладуся спаць, - гэта мой бог з вялікай ці маленькай літары. «А я прачнуўшыся, буду насычацца абліччам Тваім» - напісана ў Псальмах.
• Каб будаваць адносіны з Богам, неабходна месца:«Увайдзі ў пакой твой, і Айцец Твой, Які бачыць тайнае, аддасьць табе на яве». Зьвярніце ўвагу: Бацька, Які БАЧЫЦЬ, а не Які чуе, таму што Бог не толькі слухае нашы словы, але і глядзіць на стан нашага сэрца. Ён хоча, каб у час малітвы мы заставаліся зь Ім сам-насам.
• У малітве мы шукаем твар Госпада, а не толькі Яго руку. У нашых малітвах дамінуе слова «дай». Зьвярніце ўвагу на паводзіны двух хатніх жывёл - ката і сабакі. Сабака глядзіць у вочы свайго гаспадара, а ката цікавіць яго рука і тое, што ў ёй. Бог адплачвае шукальнікам Яго. Калі Ізраіль шукаў Бога ў цяжкія часы, тады Бог выходзіў змагацца за Свой народ і паказваў майстар-клас ўзрушаючых перамог. Шукаць асобы - значыць спытаць сябе: Што адчувае Бог? Што выбірае ў гэтай сітуацыі Бог? Што пра гэта думае Бог? «Сэрца маё кажа ад Цябе, і я буду шукаць аблічча Твайго Госпадзе».
• Шчырасьць у малітве.«Вуснамі Сваімі шануюць Мяне, а сэрца іхняе далёка ад Мяне», - кажа Гасподзь. Нельга прыйсьці і пакланяцца Богу на нядзельным служэньні, калі ты не рабіў гэтага ўвесь тыдзень.
• Баланс чытаньня і разважаньня Словы і малітвы.«Хто закрывае вушы свае, каб ня слухаць закону, у таго малітва мярзота». Наша малітва - гэта на толькі ўслаўленьне Бога, падзяка, пакаяньне і просьбы, але і чытаньне Бібліі і разважаньне над Словам. «Калі застанецеся ў Слове Маім, то прынесяце шмат плёну».
Уладзімір Амяльчук, пастар царквы ЕХБ «Благадаць» г. Кіеў.