CORRUMPERE

За 23 гады незалежнасьці Ўкраіны непрыкметныя для грамадзкасьці і карных органаў «казіныя сьцяжынкі», што вядуць ад засекаў да чыноўнічых сядзіб, сталі асфальтаванымі дарогамі дзяржаўнага значэньня. Каго баяцца: усе ў долі! Нядаўна ездзіла па адной такой у Межгор'і. Гэта тое месца, дзе арыфметычныя дзеяньні ў розуме, такія як складаньне і множаньне, не можа адолець нават вельмі адораная асоба. А размах добраўпарадкаванага на адну персону кавалка планеты цяжка перакласьці ў лічбы нават таленавітаму бухгалтару. Гэта тое месца, дзе адкрыты рот не зьяўляецца прыкметай псіхічнага захворваньня, а ў птушанят дзятла жыцьцёвыя персьпектывы весялейшыя, чым у маіх.

У былога генпракурора Віктар Пшонкі у маёнтку асабіста не была - берагу нярвовую сістэму, але фатаграфіі даказваюць, што чалавек жыў паўнавартасным жыцьцём і сем'янінам быў вельмі добрым: усё ў дом, усё ў дом! Вось спасылка http://comments.ua/life/454001-dom-pshonki-pereplyunul-roskoshi.html. У Віктара Нарцысавіча Пшонкі ў доме знайшлі цікавую запіску:

Мяркуючы па адсутнасьці чыноўніка ў краіне, сеанс экзарцызму адбыўся. Думаю патэлефанаваць па адным з нумароў, падзякаваць.

Адчувалася, што слугой народа быць выгадна і модна, але самі-та мы на тралейбусе, хто з пракампасцірваным на выпадак праверкі талонам, хто з закампаставанымі мазгамі.

Нядаўна хтосьці скурпулёзны ў Пракуратуры падлічыў, што ў агульнай суме скрадзена грошай ў памеры бюджэту краіны! Таму войска сёньня экіпіруюць хатнія гаспадыні на зэканомленыя сродкі бюджэту сямейнага. Варта прыгледзецца да лічбаў на «праязным талончыку», яны пацьвярджаюць нашы самыя страшныя здагадкі пра найбольш карумпаваных органах краіны:

• 64,4 % - ДАІ 
• 60,3% - судовыя ограны 
• 60,3% - медыцына 
• 59,1 % - міліцыя 

Прабіты «талончык» робіць пасажыра ў дрызг законапаслухмяным грамадзянінам: саўдзельнікам. Большасьць законаў нашай краіны напісаныя так, каб не даць карумпаванай сістэме загнуцца. У Грузіі сітуацыя была аналагічнай. Таму падчас кадэнцыі Міхаіла Саакашвілі на пасадзе Прэзідэнта Грузіі, у краіне былі адмененыя тыя законы, у якіх ўгледжвалася хоць найменшая шчыліна для карупцыянераў. Нягледзячы на пратэсты МВФ, зьнізілі падаткі да 60%, што дазволіла падняць эканоміку (праз год МВФ прызнаў сваю няправасьць). Правялі люстрацыю, у выніку якой было звольнена 100 тыс. чыноўнікаў, як з Жэкаў, так і з міністэрстваў. 90% чыноўнікаў новага дзяржапарату складалі людзі узростам да 30 год. Выгналі ўсіх мытнікаў, набралі моладзь з мадэльных агенцтваў - прыгожа ўсміхацца і ставіць штампы. Астатняе рабілі кампутары.

У выніку, на праходжаньне грузінскай мытні як асобна ўзятаму грамадзяніну, так і фуры трэба было 7 хвілін. Да рэвалюцыі давер насельніцтва да паліцыі быў на ўзроўні 4%, пасля люстрацыі - 90%. Забралі палацы ў чыноўнікаў, некаторых пасадзілі, іншым далі магчымасьць адкупіцца. Так, напрыклад, на адкупныя зяця Шэварнадзэ тры месяцы выплачваліся пенсіі. Любыя «добрыя» ініцыятывы, напрыклад, даць долю ў бізнэсе сваякам Прэзідэнта ці самому Прэзідэнту, актыўна спыняліся. Сталі нормай празрыстыя тэндэры пад грамадзкім кантролем, што перакрыла кісларод не аднаму алігарху. Абавязалі багачоў плаціць у бюджэт шмат, а не «колькі не шкада». Дазволілі захоўваньне зброі.

Уся інфаграфіка па спасылцы: http://iwp.org.ua/ukr/public/1022.html

Калі ёсць тыя, хто хабары бярэ, значыць, ёсць і тыя, хто іх дае. Мы кожны дзень бачым у люстэрках твары тых, хто купюрай пераконвае Айбаліта ня спісваць пацыента на могілкі, а паспрабаваць мікстуру-таблеткі-ўколы ці хаця б клізму. І даведачку! Тых, хто мае таварна-грашовыя адносіны з настаўнікамі, бо амаль усе валодаем уласцівасьцю размнажацца, а дзеці - кветкі жыцця, за якімі патрэбен кваліфікаваны догляд і веданьне батанікі. Тых, хто грашзнакамі стымулюе даішніка заплюшчыць вочы на знакі дарожныя і адпусціць аўтааматара на ўсе чатыры бакі. Тых, хто грашыма купляе судьдзі права зрываць багіні правасуддзя павязку з вачэй, тым робячы яе жудасна крывадушнай.

Па сутнасці сваёй карупцыя выступае супраць справядлівасці. Таму ў нашай краіне:

• Нізкі ўзровень жыцьця,
• Нізкі ўзровень бясьпекі жыцьця на фоне высокага ўзроўню злачыннасьці,
• Неабароненасьць грамадзянскіх правоў і свабод,
• Самавольства чыноўнікаў,
• Адсутнасьць справядлівых магчымасьцяў вядзеньня бізнесу (адсутнасьць канкурэнцыі),
• Адсутнасьць справядлівага судовага працэсу,
• Адсутнасьць бясплатных паслуг у сферы навучаньня, медыцыны і г.д.

Гэта дзіўна для краіны, у якой Раство і Пасха зьяўляюцца агульнанацыянальнымі сьвятамі!

Такім чынам, што кажа Пісаньне пра хабар?

Прыпавесьці 17: 23 «Бязбожны бярэ падарунак з-за пазухі, каб скрывіць шляхі правасудзьдзя». 

Прыпавесьці 29:4 «Цар правасудзьдзем мацуе зямлю, а аматар хабару руйнуе яе».

Эклезіяст 7:7 «Уціскаючы іншых, разумны дурнее, і падарункі псуюць сэрца»

Выхад 23:8 «Дароў ня прымай, бо дарункі сьляпымі робяць відушчых і перакручваюць правых».

Амос 5:11-13 «Такім чынам, за тое, што вы топчаце беднага і бераце зь яго падарункі хлебам, вы пабудуеце дома з дошак камянёў, але жыць не будзеце ў іх; разьведзяце цудоўныя вінаграднікі, а віна зь іх ня будзеце піць. Бо Я ведаю, як шматлікія злачынствы вашыя і якія цяжкія грахі вашыя: вы ворагі правага, бераце хабар і перакручваеце ў судзе справы бедных. Таму разумны маўчыць гэтым часам, таму што ліхі гэты час ».

Мой унёсак у перамены

Статыстыка кажа, што 77% украінцаў лічаць, што з карупцыяй павінен змагацца Прэзідэнт. І толькі 18% думаюць, што гэта павінен рабіць кожны. Варта задумацца і пачаць дзейнічаць!

Па ініцыятыве Сяргея Гулы, адваката, кіраўніка альянсу Хрысьціян-Прафесіяналаў Украіны, эксперта Цэнтра супрацьдзеяньня карупцыі, стартуе агульнанацыянальны рух

«Не – хабарніцтву! Я не даю і не бяру хабару».

25.06.2014 г. па адрасе: вул. Эспланадная,20 (ст. метро «Палац Спорту») а 19.00 адбудзецца сустрэчы ахвочых далучыцца да руху. Тел. (099) 74–37–646.

P.S. Дарэчы, ёсць некалькі тралейбусных маршрутаў, якія вядуць на Майдан!